نص مليون سائح سعودي رح يزور لبنان بالاشهر الجايي، يعني القطاع السياحي موعود بمواسم حافلة بين رمضان والصيف.

 

مطاعم، فنادق، بيوت ضيافة، أماكن سهر، شركات تأجير السيارات… الكل عم يتجهز ويتحضر لعودة السعوديين للبنان من بعد 15 سنة من المقاطعة لأسباب سياسية وأمنية.

 

اقتصاديا وبالأرقام، بالـ2010 قبل ما تنقطع اجر الدول العربية عن لبنان استقبلنا مليونين و136 الف سائح، 894 ألف منن من الدول العربية يعني تقريبا 42% من الوافدين. وبوقتا وصل الدخل السياحي لـ 9,7 مليار دولار، و 3.5 مليار منن صرفن السواح العرب.

 

بالتقديرات العلمية، ومن وقت المقاطعة الخليجية للبنان وحظر سفر السواح، انحرم لبنان من أكتر من 100 مليار دولار من سنة 2012 لليوم، بسبب حزب الله وسياساتو وحروبو ويلي منع مساعدات الدول العربية للبنان والتعاون السياحي والسياسي والاقتصادي بين السعودية والدول الخليجية الأخرى ولبنان.

 

اليوم لبنان عم يترقب توقيع 22 اتفاقية مع السعودية، واللبنانيين عم يتأملو ترجع حصة لبنان تكبر بين الدول العربية ويرجع لبنان يستقبلن بكل المواسم بجو من السلام والطمأنينة وبعيدا عن الحروب كلها بشرط الالتزام بخطاب القسم والبيان الوزاري وخصر السلاح بيد الشرعية وأنو الدولة تفرض هيبتها على كل الاراضي اللبنانية…